Алаш қозғалысының баспасөзге ықпалы
Қаралымдар: 0
Аңдатпа
Мақалада қазақ қоғамы үшін үлкен өзгерістің бастамасы болған алаш қозғалысы туралы жазылған. Өткен ХХ ғасыр басы қазақ қоғамы үшін ұлы өзгеріс кезеңі болды. Қазақтың бағына осы бір ұлы өзгеріс, тепкісі зор төңкерістер заманында бір шоғыр Үркердей оқыған зиялы азаматтары алға шығып, атқа қонды.
Алаштық азамат алмағайып кезеңде қазақ халқын азаттық рухқа шақырып, қазақтың басын қосып, бастарын бәйгеге тігіп, халқы үшін еңбек етті.
Мақаланың өзегі болған «Мэйдзи исин» бағдарламасының пайда болу кезеңіне зерттеу жасалынды. Жапондық бағдарламаны қазіргі ракурстан қарап, ғылыми тұжырымдар жасап, сол арқылы қоғам қолданысына ұсынуды авторлардың басты міндеті ретінде қабылданды.
Алаш қозғалысы – қазақ қоғамындағы жаңашылдығымен көзге түскен, болашаққа бағыт берген саналы, сапалы құбылысты әлемдік деңгейде зерттеп, зерделеп ғалымдар еңбегіне шолу жасалынды. Ұлт әдебиетін, мәдениетін, ғылымын биік деңгейге көтеруге үлесін қосқан жаңалықтың бірі Алаш баспасөзінің дүниеге келуі еді.
1905 жылға дейін қазақтардың ана тіліндегі бірде-бір ұлттық газеті мен журналы өзіне тиесілі типографиясы болған емес. Осы мәселені шешу жағын алаштық азаматтардың қолға алуы қазақ еліндегі ұлы қозғалыстың бастамасы еді.
Қазақ халқының демократиялық мәдениеті бұл ұлттың өз тарихын терең білуі және қадірлеуінен бастау алады. Мақала төл тарихын танып, ұлттық құндылығын қадірлей білген, мәдениет мен әдебиетін бойына сіңірген ұлт қана әлемдік аренадан орын алатындығына көз жеткізе отырып, сарапталып жазылған.
