Визуалды ақпарат: теориялық негіздері мен ықпал ету механизмдері

Аңдатпа

Бұл мақалада PR мақсатындағы ақпараттарда және имидждік, жарнама
мен маркетингтік ақпараттарда визуализация тәсілдерін қолдану механизмдері мен
оның ғылыми негіздері қарастырылады.
Көзге көрілмейтін ақпаратты көрілетін формаға келтірудің ақпарат таратудағы
ықпал ету механизмдеріне зерттеу жүргізіліп, олардың түп негізін анықтаған ғылыми тұжырымдамалар зерделенеді. Ақпаратты эйдосфера арқылы қабылдау тұтынушы үшін өте тиімді және оның көрнекілігі мен интерактивтілігінің де теориялық
тұжырымдары бизнес үшін аса қажет технология. Визуалды ақпаратта қолданылатын
стереотиптік, символдық белгілердің интерактивтілік, медиапсихологиялық, менталитеттік қырлары, визуализация мен тайм-менеджменттің өзара байланысу механизмі – зерттеу мақаламыздың маңызды объектісі. Визуалды ақпараттың мақсатты
аудиторияға эстетикалық жағымдылық беретіндігінің, барлық тілдегі адамдар үшін
аудармашысыз-ақ түсінікті болатындығының, ақпарат таратушы туралы жағымды
пікір қалыптасатындығының себептері көрсетіледі. Визуалды ақпарат жасауға мүмкіндік беретін қолжетімді ең қарапайым да, тиімді сервис-программалар туралы шағын
ақпарат-сілтемелер берілді