Әзілхан Нұршайықовтың эпистолярлық публицистикасындағы замандас бейнесі

Аңдатпа

Зерттеу мақала журналист, жазушы Әзілхан Нұршайықовтың эпистолярлық мұрасына арналған. Автордың хаттар арқылы адам болмысын көрсетуі, оның шығармашылығы мен әдеби мұрасында ерекше орын алады. Зерттеудің негізгі мақсаты – Әзілхан Нұршайықовтың хаттарын зерттей отырып, оның адамзат болмысын, тұлғалық қасиеттерін ашудағы орны мен мәнін анықтау. Ғылыми зерттеудің маңызды бағыты – эпистолярлық мәтіндерді қазақ әдебиетінің дамуымен,әсіресе, публицистиканың қалыптасуымен байланыстыра зерттеу. Сонымен қатар, хаттардағы автордың жеке өмірі мен көзқарастарын талдау арқылы оның шығармаларының терең мағынасы мен идеялары ашылады. Зерттеудің практикалық маңызы – Ә. Нұршайықовтың хаттарының көркемдік құндылығын қазіргі көсемсөз дамуы  тұрғысынан бағалау және осы бағытта жүргізілген зерттеулердің болашақ ғылыми жұмыстарға негіз болуы. Зерттеу жұмысы негізінде Ә. Нұршайықовтың хаттарындағы мазмұндық және стилдік ерекшеліктер оның ішінде публицистикалық сарын талданған. Хаттардағы философиялық ойлар мен тұлғааралық қарым-қатынас мәселелері қарастырылып, автордың шығармашылығына ерекше көзқарас қалыптастырылады. Сонымен қатар, мақалада хаттар арқылы адамның ішкі дүниесін түсіну, оның күрделі психологиясын ашу мүмкіндігі талқыланады. Бұл зерттеу Ә. Нұршайықовтың рухани мұрасының тереңдігі мен көпқырлылығын айқындап, оның қазақ көсемсөзіндегі орнын нығайтуға үлес қосады. Сонымен қатар, жұмыстың нәтижелері қазақ журналистикасы мен көсемсөзі саласындағы практикалық қолданымға ие болып, қазіргі медиа кеңістігіндегі жаңа ғылыми көзқарастар мен зерттеу әдістерінің негізін нығайта түседі.