Қазақстандағы іскерлік журналистиканың негізгі ерекшеліктері

Аңдатпа

Автор мақалада Қазақстандағы іскерлік журналистикасының зерттелуін, кәсіпкерліктің елеулі қабатының қалыптасуын, жаңа бизнес ортаның қалыптасуын,  көптеген массмедианы зерттеп жүрген ғалымдардың бизнес-ақпарат секторының іскерлік журналистика сияқты бүгінгі қоғамда белсенді қызмет етіп отырған топтардың қызметіне баға береді.  Шартты түрде іскерлік БАҚ-ты жіктеп шетелдік зерттеушілердің және дәстүрлі БАҚ өкілдерінің пікірлерінен үзінділер келтіреді. Сонымен қатар жаңа медианың отандық журналистикадағы көріністерінен мысалдар келтіреді. Зерттеушілер ұсынылатын ақпараттың утилитарлық сипатын атап көрсетеді.  Іскерлік БАҚ-тың негізгі міндеті мен мақсатын, өзіндік ерекшелігін атап өтеді. Цифрлық дәуірдегі жаңа медианың адамға әсерін ғылыми негізде талдап, тұжырымдар жасау арқылы қоғамның даму траекториясын ұлттық мүддеге сәйкестендіруге және жоспарлауға болады. Бүгінгі қазақ қоғамы үшін бұл күн тәртібіндегі өзекті мәселе. Қазақтілді интернет ресурстардың аудиториясының ауқымы мен басты сипаттары, аудиторияны қызықтыратын медиа өнімдердің мазмұндық және формалық ерекшеліктері ғылыми тұрғыда толық зерттелмеген. Қазақстандық бұқаралық ақпарат құралдары саласындағы іскерлік журналистиканың қалыптасуын, дамуын саралау. Болашақ орнын анықтау, саралау, зерделеу. Кешегі мен бүгінгі іскерлік БАҚ жұмысына көңіл бөліп, олардың аудиториясы, сапасы, материалдар деңгейі, берілу деңгейін зерттеу.