Ақпараттық кеңістіктегі коммуникативті стратегиялар мен қолдану технологиялары

Аңдатпа

Мақалада қоғамдық санаға ыпал етуде барынша сапалы нәтижеге жетуге
мүмкіндік беретін қоғамдық санаға санаға әсер етудің жаңа әдістері, ойыңды айтудың, әлеуметтенудің, басқарудың түрлі формалары мен стилдері және бұқара санасымен айла-шарғы жасау
қарастырылады. Зерттеудің негізгі идеясы коммуникация модельдерінің нормативтік, қызметтік
және мағыналық модельдерінің бастапқы принциптері болып табылады. Коммуникация алғаш рет
К.Ясперс, М.Бубер, М.М.Бахтин, К.О. Апельмен мен Ю.Хабермастың зерттеулерінде социум мен
коммуникативтік этика теориясының негізі болып қаланды. Ғылыми еңбекте жоғарыда аталған
әлемдік философтардың идеяларына сүйене отырып, БАҚ-арқылы тұлғаның ой-санасын басқаруға болатын манипулятивтік-насихаттау технологиясы зерттеліп, әлеуметтік-коммуникативтік
стратегияларға талдама жасалды. Аталмыш диссертация мұндағы зерттеу қорытындыларын БАҚарқылы ой-сананы басқаруда манипулятивті-насихаттық механизмдерді зерттеуде қолдануға болатындығымен практикалық маңызы зор болмақ. Сонымен қатар, зерттеу нәтижелері бұқаралық
ақпарат құралдары саласында Қазақстан Республикасының мәдени саясатының моделдерін әзірлеуде негізгі база ретінде пайдалануға болады. Автор қазіргі коммуникациялық революцияның
қырларын қозғап, оны тарихта болмаған БАҚ даму үдерісімен және қоғамдық өмірге жан-жақты
ықпал етуімен байланыстырады.