Facebook-тегі қазақтілді топтардың қоғамдық пікір қалыптастырудағы рөлі: коммуникация, мәдениет және саяси белсенділік аспектілері

Аңдатпа

Бұл мақалада әлеуметтік желілердің, атап айтқанда Facebook-тегі қазақтілді топтардың қоғамдық санаға ықпалы қарастырылады. Қазақстанның ақпараттық кеңістігінде бұл топтар әлеуметтік және саяси мәселелер бойынша қоғамдық пікір қалыптастырып, ұлттық мәдениетті насихаттауда, қазақ тілінің мәртебесін арттыруда және саяси белсенділікті дамытуда маңызды рөл атқарады. Мақаланың мақсаты – қазақтілді топтардың қоғамдық сананы трансформациялаудағы және әлеуметтік белсенділікті арттырудағы рөлін анықтау. Сонымен қатар, зерттеу қазақтілді топтардағы ақпарат алмасу ерекшеліктерін, олардың әлеуметтік желілерде қазақ тілінің мәртебесін арттырудағы рөлін, сондай-ақ әлеуметтік қозғалыстар мен әлеуметтік әділеттілік мәселелеріндегі белсенділігін кешенді түрде қарастырады. Зерттеу нәтижелері қазақтілді топтардың қоғамдық санаға ықпалын тереңірек түсінуге мүмкіндік береді. Зерттеу қазақтілді Facebook топтарындағы жарияланымдар мен пікірталастарды контент-талдау және салыстырмалы талдау әдістеріне негізделген. Зерттеудің практикалық маңыздылығы – осы онлайн қауымдастықтардың қоғамдық дискурсты қалыптастырудағы және цифрлық коммуникация кеңістігінде қазақ тілінің позициясын нығайтудағы рөлін айқындаумен сипатталады.