Қазіргі журналистика жанрларының даму үдерісі

Аңдатпа

Мақалада қазіргі таңдағы ақпаратық технологияның қарқынды дамуымен
әлемдік медиа жүйесіндегі даму тенденциясының елеулі өзгерістерге түскендігіне назар
аударылды. Бұл үдеріс бүгінгі қазақ журналистикасының дамуына да өз әсерін тигізгені
шындық. Нәтижесінде, бұқаралық ақпарат құралдарындағы материалдардың мазмұнында, жанрларында, пішіндік ерекшеліктерінде біршама өзгерістер пайда болды. Бүкіл газет-журналдар өздерінің сайттарын, интернет нұсқаларын жасап алды. Радио мен телеарналар да бағдарламаларының интернет арқылы таратылуының тиімді жолдарын табуда.
Мұның бәрі ақпараттық кеңістік пен уақытқа тәуелділікті азайтып, оның жеделдігі мен баршаға ортақ болу мүмкіндігін кеңейтті. Нәтижесінде, ақпараттық сыйымдылықтың көлемі
едәуір артумен қатар БАҚ-тың интерактив сипатын қарапайым көрініске айналдырды.